کیلی فورنیا کے جنگلات میں لگی آگ پر قابو پانے کی کوشش

امریکہ کی ریاست کیلی فورنیا میں موسم شدید گرم ہے اور گرمی کے باعث جنگلات میں لگنے والی آگ کی وجہ سے کئی آبادیاں نقل مکانی پر مجبور ہیں۔ حکام کا کہنا ہے کہ متاثرہ علاقے سے لگ بھگ 13 ہزار لوگوں کو محفوظ مقامات پر منتقل کیا جا چکا ہے۔ آگ پر قابو پانے کے لیے جہاز اور ہیلی کاپٹر بھی استعمال کیے جا رہے ہیں۔ متاثرہ علاقے کے قریب بستیوں کو مطلع کر دیا گیا ہے آگ کے سبب علاقے کی بجلی منقطع رہے گی اس لیے شہری کھانے پینے کی اشیا اور دیگر چیزوں کے حصول کے لیے مختص کردہ مقامات جا سکتے ہیں۔