جماعتِ اسلامی کے نائب امیر لیاقت بلوچ کا کہنا ہے کہ حکومت بجلی سستی نہ کرنے پر عوام کے جذبات سے کھیل رہی ہے۔
لاہور میں صحافیوں سے غیر رسمی گفتگو کرتے ہوئے جماعتِ اسلامی کے نائب امیر لیاقت بلوچ کا کہنا تھا کہ خط لکھنا سب کا جمہوری حق ہے، سیاسی بحرانوں کا حل سیاسی مذاکرات سے ہے۔
جماعتِ اسلامی کے نائب امیر نے کہا کہ آئی ایم ایف پاکستان کی خود مختاری پر مسلط ہے۔
ان کا کہنا تھا کہ حکومت بجلی، تیل اور گیس کی قیمتیں فی الفور کم کرے۔
انہوں نے مزید کہا کہ حکومت بجلی سستی نہ کرنے پر عوام کے جذبات سے کھیل رہی ہے۔
