اسلام آباد: وزیراعظم شہباز شریف کی زیر صدارت ایف بی آر کی کارکردگی سے متعلق جائزہ اجلاس منعقد ہوا، جس میں محصولات جمع کرنے اور ٹیکس چوری کے خلاف اقدامات پر تفصیلی تبادلہ خیال کیا گیا۔
اجلاس میں وزیراعظم نے ہدایت کی کہ ٹیکس چوری کے خلاف کارروائیاں مزید تیز کی جائیں تاکہ قومی آمدنی میں اضافہ یقینی بنایا جا سکے۔
اس کے علاوہ وزیراعظم نے صوبائی حکومتوں کو غیر قانونی پیٹرول پمپوں کے خلاف ایف بی آر کے ساتھ مکمل تعاون کرنے کی بھی ہدایت دی، تاکہ قانونی عمل درآمد مؤثر اور شفاف ہو۔
