واشنگٹن: امریکی حکام کی جانب سے مقامی ریاست میں دہشت گردی کی کوشش ناکام بنانے کا دعویٰ سامنے آیا ہے۔
عالمی میڈیا کی رپورٹ کے مطابق اعلیٰ حکام کا کہنا ہے کہ امریکی حکومت نے سال نوکے موقع پر ریاست نارتھ کیرولائنا میں دہشت گردی کی کوشش ناکام بنادی ہے۔ رپورٹ کے مطابق ایف بی آئی نے داعش سے تعلق رکھنے کے الزام میں مقامی شخص کو گرفتار کیا ہے۔ ملکی میڈیا نے بتا یا ہے کہ ملزم کی رہائش گاہ پر ایف بی آئی نے چھاپا مار، جسے گرفتار کر کے چاقو اور دیگر اشیا قبضے میں لے لیں۔ دیگر تفصیلات کے مطابق خفیہ ادارے نے عین اس وقت چھاپا مارا جب دہشت گرد گروسری اسٹور میں چاقو کے حملے کی منصوبہ بندی کر رہا تھا۔ بعدازاں اعلیٰ حکام نے ملزم کے خلاف تحقیقات کاآغاز کردیا ہے۔
