بہاماس کے کیریبین جزیروں پر آنے والا اب تک کا سب سے خطرناک سمندری طوفان ’ڈورین‘ چھتیں اڑانے اور شدید سیلاب کا باعث بنا ہے۔
طوفان ڈورین، پانچویں درجے کا خطرناک سمندری طوفان ہے۔ اس طوفان سے آنے والی ہواؤوں کی رفتار 285 کلو میٹر فی گھنٹہ ہے۔
حکام نے خبردار کیا ہے کہ ڈورین طوفان کی موجیں 23 فٹ اونچی اور جان لیوا ثابت ہو سکتی ہیں۔
تیز ہواؤں اور موسلا دھار بارش نے بہاماس جزیرے کو متاثر کیا ہے
تیز ہواؤں اور موسلا دھار بارش نے بہاماس جزیرے کو بری طرح متاثر کیا ہے۔
اتوار کے روز دوپہر کے وقت (16:00 GMT) طوفان ٹکرانے کے بعد بہاماس کے جزیروں میں کئی علاقوں کے پانی میں ڈوبنے کی اطلاعات ہیں۔
مقامی رہائشیوں نے سیلاب کے پانی کو گھروں کا گھیراؤ کرتے اور ان کی چھتیں اڑنے کی فوٹیج سوشل میڈیا پر شیئر کی ہیں۔
First video entrance in from Bahamas after Dorian upheld by and it’s finish extinction https://t.co/8c91KTEBkU pic.twitter.com/LdvVQFstWY
— WPLG Local 10 News (@WPLGLocal10) September 1, 2019
ڈورین آہستہ آہستہ مغرب کی طرف بڑھ رہا ہے اور مشرقی امریکی سمندری حدود والے علاقے اس کی زد میں آ سکتے ہیں۔
مشرقی فلوریڈا میں سمندری طوفان سے بچاؤ کے لیے کی جانے والی تیاریوں میں خواتین قیدیوں نے بھی حصہ لیا
امریکی ریاستوں فلوریڈا، جارجیا، جنوبی کیرولائنا اور شمالی کیرولائنا میں ہنگامی صورتحال کا اعلان کر دیا گیا ہے اور ان ریاستوں کے رہائشی علاقوں کو خالی کر رہے ہیں۔
امریکی صدر ڈونلڈ ٹرمپ نے کہا ہے کہ وہ سمندی طوفان ڈوریئن کا معائنہ کر رہے ہیں۔ امریکی صدر نے اس طوفان کے پیش نظر اپنا دورہ پولینڈ بھی منسوخ کر دیا ہے۔
In further to Florida – South Carolina, North Carolina, Georgia, and Alabama, will many expected be strike (much) harder than anticipated. Looking like one of a largest hurricanes ever. Already difficulty 5. BE CAREFUL! GOD BLESS EVERYONE!
— Donald J. Trump (@realDonaldTrump) September 1, 2019
اپنی ٹویٹ میں انھوں نے اس طوفان کے راستے میں آنے والے شہریوں کو احتیاط کی ہدایت کی ہے۔
امریکہ کے قومی طوفان مرکز(این ایچ سی) کا کہنا ہے کہ جدید ریکارڈ کے مطابق یہ ’انتہائی خطرناک‘ طوفان اس علاقے میں آنے والا سب سے طاقتور طوفان ہے۔
امریکی ریاست فلوریڈا، جارجیا، جنوبی کیرولینا اور شمالی کیرولینا میں ایمرجنسی کا اعلان کیا گیا ہے
مقامی وقت کے مطابق پیر کے روز یا منگل کی رات سمندری طوفان ڈوریئن امریکی ریاست فلوریڈا کے مشرقی ساحل کے قریب تر پہنچ جائے گا۔
اورلینڈو میں ڈزنی ورلڈ سمیت مشہور مقامات کی انتظامیہ نے کہا ہے کہ وہ طوفان کی ’قریب سے نگرانی کر رہے ہیں۔‘ ساحلی شہر میامی میں بھی حکام نے بجلی سے چلنے والے کرایے کے سکوٹروں کو سڑکوں سے ہٹانے کا حکم دیا ہے۔
