ماسکو: روسی صدر ولادی میر پیوٹن نے کہا ہے کہ ہمارے دشمن ہمیں تقسیم نہیں کرسکتے، ہم دلخراش واقعہ میں مرنیوالوں کے اہلخانہ سے تعزیت کرتے ہیں۔
رپورٹ کے مطابق روسی صدر ولادی میر پیوٹن نے ماسکو دہشتگرد حملے کے بعد پہلا بیان جاری کرتے ہوئے کہا کہ ہمارے دشمن ہمیں تقسیم نہیں کرسکتے،تمام حملہ آوروں کو تلاش کر کے حراست میں لے لیا گیا ہے، واقعہ کے بعد حملہ آوروں نے یوکرین کی طرف فرارہونے کی کوشش کی۔
پیوٹن کا کہنا تھا کہ جس نے بھی اس حملے کا حکم دیا اسے سزا دی جائے گی،دلخراش واقعہ میں مرنیوالوں کے اہلخانہ سے تعزیت کرتے ہیں۔
یاد رہے کہ ماسکو کے کنسرٹ ہال میں گزشتہ شب ہونے والے دہشتگرد حملے میں کم از کم 143 افراد ہلاک ہو گئے ہیں جبکہ 200 زخمی ہیں ۔ روسی حکام کا کہناہے کے حملے میں ملوث تمام دہشتگردوں کو گرفتار بھی کر لیا گیاہے ۔
The post ہمارے دشمن ہمیں تقسیم نہیں کرسکتے، صدر پیوٹن appeared first on Daily Jasarat News.
