کراچی (اسپورٹس ڈیسک )سابق کپتان شاہد آفریدی نے کہا ہے کہ سہ فریقی سیریز میں ہم نے بڑی غلطیاں کیں ہیں، چیمپئنز ٹرافی میں پاکستان ٹیم کو تینوں شعبوں میں پرفارم کرنا پڑیگا۔ نجی ٹی وی کے پروگرام میں گفتگو کرتے ہوئے شاہد آفریدی نے کہا کہ پاکستان ٹیم کوگڈلک کے بجائے کہا جائے “میک یور اون لک”، پاکستان کرکٹ بورڈ کو بہت مبارکباد، سب کو مبارکباد، دوبارہ رونقیں بحال ہوئیں۔شاہد آفریدی نے کہا کہ نیوزی لینڈ کے کھلاڑی مہمان نوازی کی تعریف کررہے ہیں، تمام ٹیموں کو بہت اچھی سکیورٹی دی جارہی ہے۔انہوں نے کہا کہ نیوزی لینڈ کیخلاف ٹرائنگولرسیریز میں ہم نے بڑی غلطیاں کی ہیں، اب وہ موقع نہیں دو چیزیں ٹھیک کیں،فیلڈنگ ٹھیک نہیں کی، پاکستان ٹیم کو تینوں شعبوں میں پرفارم کرنا پڑیگا۔ اس موقع پر محمد یوسف نے کہا کہ نیوزی ٹیم میں کھلاڑی کو مستقل مواقع ملتے ہیں۔محمد یوسف کا کہنا تھا کہ لگتا ہے پاکستان نے ٹرننگ پچ بنانی ہے،لیکن بدقسمتی سے اسپنرٹیم میں نہیں لائے، فاسٹ بولرزکتنے ہیں یہ بھی دیکھنا ہے،حارث رگوف کا پتہ نہیں فٹ ہوا ہے یا نہیں، طویل عرصے بعد آئی سی سی ایونٹ پاکستان میں ہونا اچھی بات ہے، مستقبل کے اسٹارز اپنے پلیئرز کو دیکھ کر خوش ہونگے اور سیکھیں گے۔
انگلینڈ ٹیم چمپئنز ٹرافی میں شرکت
کے لیے پاکستان پہنچ گئی
لاہور(اسپورٹس ڈیسک)انگلینڈ کرکٹ ٹیم آئی سی سی چمپئنز ٹرافی میں شرکت کیلئے پاکستان پہنچ گئی۔انگلینڈ کی کرکٹ ٹیم کپتان جوز بٹلر کی قیادت میں لاہور پہنچی، انگلینڈ کرکٹ ٹیم کا کھلاڑیوں اور اسٹاف سمیت 31 رکنی دستہ براستہ دبئی لاہور پہنچا، ٹیم گروپ میچ لاہور اور کراچی میں کھیلے گی۔
