اسپیشل انویسٹمنٹ فیسلیٹیشن کونسل (ایس آئی ایف سی) کی معاونت سے جامشورو جوائنٹ وینچر لمیٹڈ (جے جے وی ایل) کی بحالی پاکستان کے توانائی کے شعبے میں ایک اہم سنگ میل قرار دی جا رہی ہے۔
جے جے وی ایل کی بحالی گزشتہ تین برسوں کے دوران ایس آئی ایف سی کی نمایاں کامیابیوں میں شامل ہے، جس کے نتیجے میں ایک اہم قومی اثاثہ دوبارہ فعال ہو گیا ہے۔
پلانٹ کی بندش کے باعث ملک 3 لاکھ 17 ہزار ٹن مقامی سطح پر پیدا ہونے والی ایل پی جی سے محروم رہا، جس سے قومی خزانے کو تقریباً 94 ارب روپے کا نقصان برداشت کرنا پڑا۔
ایسوسی ایٹڈ گروپ کے چیئرمین اقبال ظفرالدین احمد نے کہا کہ ایس آئی ایف سی کی معاونت اور رہنمائی کے بغیر اس قومی اہمیت کے حامل منصوبے کی بحالی ممکن نہیں تھی۔
انہوں نے کہا کہ جے جے وی ایل منصوبے کی بحالی سے ملک کو سالانہ تقریباً 20 کروڑ ڈالر کے زرمبادلہ کی بچت ہوگی، جبکہ مقامی سطح پر توانائی کی دستیابی میں بھی اضافہ ہوگا۔
ماہرین کے مطابق یہ پیش رفت توانائی کے شعبے کو مستحکم بنانے، درآمدی انحصار کم کرنے اور ملکی معیشت کو سہارا دینے میں اہم کردار ادا کرے گی۔
