وزیراعظم عمران خان اور چین کے صدر شی جن پنگ کے درمیان اتوار کو ملاقات ہوگی۔ دونوں رہنماؤں کے درمیان پاکستان اور چین کے تعلقات پر تبادلہ خیال ہوگا۔ پاکستان اور افغانستان سمیت دیگر معاملات اس ملاقات کا اہم حصہ رہیں گے۔
وزیراعظم عمران خان نے آج صدر شی جن پنگ کی جانب سے دیے گئے ظہرانے میں بھی شرکت کی۔ بعد ازاں وزیراعظم عمران خان کی اپنے وفد کے ہمراہ چین کے وزیراعظم سے ملاقات ہوئی۔
فواد چوہدری کے مطابق وزیراعظم کی ازبکستان کے صدر شوکت مرزایوف سے بھی ملاقات ہوئی، ان ملاقاتوں میں عالمی معاملات پر تبادلہ خیال ہوا۔ چین کے وزیراعظم اور ازبکستان کے صدر کے ساتھ کشمیر اور افغانستان پر بات چیت ہوئی۔
وزیراعظم عمران خان اور چین کے صدر کی کل ملاقات ہوگی، اس ملاقات میں پاکستان اور چین کے تعلقات سمیت دیگر امور پر تبادلہ خیال ہوگا۔ اس دورے میں جو پاکستان میں اربوں ڈالر کی سرمایہ کاری کی کمٹمنٹس ہوئی اور سی پیک منصوبوں میں مزید سرمایہ کاری کی تفصیلات جاری کر رہے ہیں۔@fawadchaudhry pic.twitter.com/8d9eIthC8t
— Fawad Chaudhry (Updates) (@FawadPTIUpdates) February 5, 2022
انہوں نے کہا کہ چین کے وزیراعظم نے یقین دہانی کرائی ہے کہ وہ کشمیر کے مسئلے پر پاکستان کے ساتھ کھڑا ہے۔
فواد چوہدری کا کہنا ہے کہ عالمی برادری پاکستان کے موقف کی مکمل حمایت کرتی ہے اور چین اس موقف پر پاکستان کے ساتھ ہے۔ اسی طرح پاکستان نے چین کو تائیوان اور ہانگ کانگ جیسے اہم مسائل پر اپنی حمایت کا یقین دلایا ہے۔
ان کا کہنا تھا کہ چین نے معاشی اور سکیورٹی معاملات میں ہمیشہ پاکستان کا ساتھ دیا ہے اور وزیراعظم کے دورہ چین سے پاک چین دوستی مزید وسعت اختیار کرے گی۔
فواد چوہدری کے مطابق سی پیک کے منصوبوں میں سرمایہ کاری کے حوالے سے تفصیلات جاری کی جا چکی ہیں اور پاکستان میں اربوں ڈالر کی سرمایہ کاری کی کمٹمنٹس ہوئی ہیں، اس کی تفصیلات جاری کر رہے ہیں۔