امریکہ کے وزیر خارجہ انتھونی بلنکن نے نیٹو کے سیکرٹری جنرل ژینز اسٹالٹن برگ اور فرانس کے وزیر خارجہ ژاں ایو لی دریاں کے ساتھ روس کی طرف سے یوکرائن کی سرحد پر کثیر تعداد میں فوجوں کی تعیناتی اور امریکہ اور اتحادیوں کی طرف سے اس اقدام کی مخالفت کے موضوعات پر بات چیت کی۔
امریکہ وزارت خارجہ کے ترجمان نیڈ پرائس نے جاری کردہ تحریری بیان میں کہا ہے کہ بلنکن نے اسٹالٹن برگ کے ساتھ ملاقات میں اس یقین دہانی کا اعادہ کیا ہے کہ امریکہ اپنے اتحادیوں اور ساجھے داروں کے ساتھ قریبی تعاون اور مشاورت کی حالت میں رہے گا۔
بلنکن نے کہاہے کہ یوکرائن کے خلاف فوجی آپریشن شروع کروانے کی صورت میں امریکہ روس کو اس کا بھاری بدل چکوانے کے لئے تیار ہے۔ بلنکن اور اسٹالٹن برگ نے تناو میں کمی کی خاطر مفید اور دو طرفہ ڈائیلاگ کی حوصلہ افزائی، ڈائیلاگ کے لئےسفارتی کوششوں اور نیٹو کی مشرقی شاخ کو مضبوط بنانے کے لئے امریکہ اور اتحادیوں کی طرف سے فوجوں کی تعیناتی پر بات چیت کی۔
فرانس کے وزیر خارجہ لی دریاں کے ساتھ مذاکرات کے بارے میں جاری کردہ بیان میں پرائس نے کہا ہے کہ مذاکرات میں دونوں وزراء نے روس کی طرف سے یوکرائن کی سرحد پر جاری فوجی تعیناتی کے بارے میں نیٹو اتحادیوں، یورپی یونین اتحادیوں، جی 7 اراکین اور دیگر اتحادیوں کی مشترکہ کوششوں پر غور کیا ۔
پرائس نے کہا ہے کہ مذاکرات میں وزراء نے، یوکرائن کی خود مختاری اور زمینی سالمیت کے ساتھ تعاون جاری رکھنے اور روس کو حملے کے بدل کا ادراک کروانے کی اہمیت پر زور دیا ہے۔