کوئٹہ گلیڈی ایٹرز کے آسٹریلین فاسٹ بائولر جیمز فالکنر پاکستان کرکٹ بورڈ کی جانب سے معاہدے کی خلاف ورزیوں کے باعث پی ایس ایل 7 کے بقیہ میچز سے دستبردار ہوگئے ہیں ۔
جیمز فالکنر نے اپنے ٹویٹر پیغام میں لکھا کہ ’”میں پاکستانی کرکٹ شائقین سے معافی مانگتا ہوں لیکن بدقسمتی سے پی سی بی کی جانب سے میرے معاہدے/ ادائیگیوں کا احترام نہ کرنے کی وجہ سے مجھے آخری 2 میچوں سے دستبردار ہونا پڑا اور پی ایس ایل چھوڑنا پڑا ، میں پوری مدت یہاں رہا ہوں اور وہ مجھ سے جھوٹ بولتے رہے ہیں۔”
1/2
I apologise to the Pakistan cricket fans.
But unfortunately I’ve had to withdraw from the last 2 matches and leave the @thePSLt20 due to the @TheRealPCB not honouring my contractual agreement/payments.
I’ve been here the whole duration and they have continued to lie to me.— James Faulkner (@JamesFaulkner44) February 19, 2022
ان کا مزید کہنا تھا کہ “جانے سے تکلیف ہوتی ہے کیونکہ میں پاکستان میں انٹرنیشنل کرکٹ کی واپسی میں مدد کرنا چاہتا تھا کیونکہ وہاں بہت زیادہ نوجوان ٹیلنٹ ہے اور شائقین حیرت انگیز ہیں لیکن میرے ساتھ جو سلوک ہوا ہے وہ پی سی بی اور پی ایس ایل کی طرف سے بدنامی کا باعث ہے مجھے یقین ہے کہ آپ سب میری پوزیشن کو سمجھ چکے ہوں گے”۔
2/2
It hurts to leave as I wanted to help to get international cricket back in Pakistan as there is so much young talent and the fans are amazing.
But the treatment I have received has been a disgrace from the @TheRealPCB and @thePSLt20I’m sure you all understand my position.
— James Faulkner (@JamesFaulkner44) February 19, 2022
جیمز فالکنر کے اس اعلان پر پی سی بی نے ایک اعلامیہ جاری کرتے ہوئے کہا ہے کہ پی سی بی اور کوئٹہ گلیڈی ایٹرز نے جیمز فالکنر کے جھوٹے اور گمراہ کن الزامات کا افسوس کے ساتھ نوٹس لیا ہے اور جلد ہی اس معاملے پر تفصیلی بیان جاری کریں گے۔
The PCB and Quetta Gladiators have regretfully taken note of Mr James Faulkner’s false and misleading accusations and will shortly be releasing a detailed statement on the matter.#HBLPSL7
— Pakistan Cricket (@TheRealPCB) February 19, 2022
پی سی بی نے تفصیلی بریفنگ میں بتایا کہ تمام کھلاڑیوں کی طرح فولکنر کی بھی 70 رقم ان کے دیئے گئے بنک اکاؤنٹ میں بھجوا دی گئی تھی۔ تاہم انہوں نے بعد میں پی سی بی کو بتایا کہ وہ اکاؤنٹ ان کے استعمال میں نہیں۔ پی سی بی نے بینک سے رقم واپس کرنے کی درخواست کی لیکن مؤخر الذکر نے رقم واپس نہ کرنے کا فیصلہ کیا جس کی وجہ سے یہ صورتحال پیدا ہوئی۔
فولکنر نے گزشتہ روز بھی اسی احتجاج میں ملتان کے خلاف میچ نہیں کھیلا۔
پی سی بی نے صحافیوں کو بتایا کہ جیمز فوکنر نے لاہور میں ہوٹل پراپرٹی کو بھی نقصان پہنچایا، چیک آؤٹ کے وقت پی سی بی کو ازالہ ادا کرنا پڑا، اس کے علاوہ جیمز فوکنر نے امیگریشن حکام سے بھی بدتمیزی کی۔