کوئٹہ: وزیراعلیٰ بلوچستان میر عبدالقدوس بزنجو نے کہا ہے کہ بھارتی فضائیہ کبھی بھی پاک فضائیہ کے ’’سرپرائز“ کو نہیں بھولے گی۔
وزیراعلیٰ بلوچستان نے ’’آپریشن سوئفٹ ریٹارٹ‘‘ کے 3 سال مکمل ہونے پر اپنے پیغام میں کہا کہ 27 فروری 2019ء کو پاک فضائیہ کے شاہینوں نے بھارت کا غرور خاک میں ملایا۔
وزیراعلیٰ بلوچستان نے کہا کہ بھارتی فضائیہ کبھی بھی پاک فضائیہ کے ’’سرپرائز“ کو نہیں بھولے گی، پاک افواج دشمن کی کسی بھی جارحیت کا منہ توڑ جواب دینے کیلئے ہمہ وقت تیار ہیں، ہمیں اپنی پاک فضائیہ پر فخر ہے۔
