گزشتہ رات کراچی کے علاقے کورنگی میں نامعلوم افراد نے ہندو مندر پر حملہ کیا، وہاں توڑ پھوڑ کی اور ایک مورتی کی بے حرمتی کی۔
کورنگی پولیس اسٹیشن میں درج ایف آئی آر کے مطابق موٹر سائیکلوں پر سوار پانچ افراد رات گئے مندر کے پاس رکے اور وہاں کے نگران پنڈت کے بارے میں دریافت کیا۔
So, so, so unfortunate.
Hoping to see those responsible brought to book, GoS taking responsibility of restoring the temple and working towards ensuring that such vandalism doesn’t happen again.@BBhuttoZardari @MuradAliShahPPP@murtazawahab1#Karachi #Pakistan pic.twitter.com/TlFtyyYY0j
— Yusra Askari (@YusraSAskari) June 8, 2022
شکایت گزار سنجیو کمار نے بتایا کہ اس وقت مندر کے اندر صرف دو مزدور موجود تھے اور وہ دیواروں پر رنگ کر رہے تھے، جب انہوں نے حملہ آوروں کو بتایا کہ پنڈت موجود نہیں ہے تو مشتبہ افراد نے ایک مورتی پر پتھراؤ شروع کر دیا۔
شکایت گزار نے مزید بتایا کہ حملہ آوروں نے مزدوروں کو دھمکیاں بھی دیں اور پھر جائے وقوع سے فرار ہو گئے۔
دوسری جانب کورنگی کے سینئر سپرنٹنڈنٹ پولیس (ایس ایس پی) فیصل بشیر میمن نے ڈان ڈاٹ کام کو بتایا کہ مندر علاقے میں ایک گھر کے ہال کے اندر واقع ہے اور وہاں تزئین و آرائش کا کام جاری تھا۔
انہوں نے کہا کہ شرپسندوں کے خلاف پاکستان پینل کوڈ کی دفعہ 295 (کسی بھی طبقے کے مذہب کی توہین کے ارادے سے عبادت گاہ کو نقصان پہنچانا یا اس کی بے حرمتی کرنا)، 427 (پچاس روپے کا نقصان پہنچانا)، 506 (کسی کو دھمکی دینے) اور دفعہ 34 (کسی جرم کو مشترکہ طور پر انجام دینے) کے تحت مقدمہ درج کیا گیا ہے۔
ایس ایس پی ) فیصل بشیر میمن نے مزید کہا کہ پولیس ملزمان کو جلد از جلد گرفتار کرنے کے لیے علاقے کی سی سی ٹی وی فوٹیج بھی حاصل کرنے کی کوشش کر رہی ہے۔
کراچی کے ایڈمنسٹریٹر مرتضیٰ وہاب نے جرم کی ایف آئی آر کا عکس سماجی رابطے کی ویب سائٹ ٹوئٹر پر شیئر کیا اور وعدہ کرتے ہوئے کہا کہ مجرموں کو انصاف کے کٹہرے میں لایا جائے گا اور مندر کی مرمت کی جائے گی۔
Action has been taken, FIR has been registered the culprits will be brought to justice. The damage caused to the Mandir will also be repaired https://t.co/YRyryNBa0g pic.twitter.com/69Bcbkndle
— Murtaza Wahab Siddiqui (@murtazawahab1) June 9, 2022
