آج کے ترکی کے اہم اخبارات کی اہم خبروں کے ساتھ حاضرِ خدمت ہیں ۔
***روزنامہ ینی شفق : "بین الاقوامی پروازیں اب ” ترک ائیر لائینز” کے نام سے کی جائیں گی”
صدر رجب طیب ایردوان نے کہا کہ "جب ہم دنیا میں اپنے ملک کا نام ترکی سے ترکیہ میں تبدیل کرنے کے اپنے فیصلے کو کامیابی سے نافذ کر رہے ہیں، ہم دوسرے شعبوں میں بھی اسی طریقے پر عمل کریں گے۔صدر ایردوان نے کہا کہ ہماری قومی ایئرلائن اب اپنی بین الاقوامی پروازیں ٹرکش ایئرلائنز کے نام سے نہیں بلکہ ترک ایئرلائنز کے نام سے کرے گی۔
***روزنامہ حریت: چاوش اولو : ہم نے سویڈن اور فن لینڈ کے بارے میں اپنے خدشات سے آگاہ کردیا ہے "
وزیر خارجہ میولود چاوش اولو نے کہا کہ سویڈن اور فن لینڈ نے نیٹو کی رکنیت کے حوالے سے ترکی کے تحفظات سے کھل کر آگاہ کیا اور کہا کہ وہ توقع کرتے ہیں کہ یہ دونوں ممالک، جو دہشت گردی کی حمایت کرتے ہیں، ان خدشات کو دور کرنے کے لیے اقدامات کریں گے۔ چاووش اولو نے کہا، "یہ ممالک ہمارے خدشات کو پورا کریں گے۔ گیند اب ان ممالک کے کورٹ میں ہے۔
***روزنامہ وطن: "بحیرہ روم، ایجین اور بحیرہ اسود میں ترکی کی توانائی کی طاقت دنیا میں منفرد ہے”
مشرقی بحیرہ روم، ایجیئن اور بحیرہ اسود میں ترکی کا توانائی کا بیڑا بڑھ رہا ہے۔ بحری بیڑے میں عبد الحمید خان ڈرلنگ جہاز کے اضافے کے ساتھ ڈرلنگ بحری جہازوں کی تعداد کو 4 تک بڑھنے سے ترکی کی سمندروں میں توانائی کی تلاش کی طاقت میں مسلسل اضافہ ہوتا جا رہا ہے۔ ترکی جس کے پاس 2 سیسمک ریسرچ بحری جہاز ہیں، اس طاقت کے حامل دنیا کے چند ممالک میں شامل ہیں ہوگیا ہے۔
***روزنامہ اسٹار: "دنیا ترکی کے کردار سے آگاہ ہے”
اقوام متحدہ سیکرٹری جنرل کے ترجمان اسٹیفن دوجارک نے کہا کہ وہ بحیرہ اسود سے یوکرینی غل کی ترسیل کے معاملے پر ترکی کے ساتھ قریبی رابطے میں ہیں اور اس معاملے میں ترک فوج کا کردار اہم ہے۔
***روزنامہ خبر ترک : توگ،کار دیگر کاروں سے زیادہ بہتر "
ترکی کے آٹوموبائل انٹرپرائز گروپ (توگ) کے منتظم اعلیٰ (سی ای او) مہمت گورجان قاراکاش نے کہا کہ وہ ایک سمارٹ ڈیوائس ڈیزائن کر رہے ہیں جو نقل و حرکت کے ماحولیاتی نظام کا حصہ ہے، جس کا مقصدمقامی کار کی تیاری کے لیے ایک سمارٹ کار سے زیادہ ہے سہولتیں فراہم کرنا ہے، اگلے سال ترکی کی سڑکوں پر ہوگی۔