دیار بکر میں علیحدگی پسند دہشت گرد تنظیم PKK کی نام نہاد اپے موسی فورس کے دو دہشت گردوں کو بے اثر کر دیا گیا۔
وزیر داخلہ سلیمان سویلو نے کوسٹ گارڈ کمانڈ کی 40 ویں سالگرہ کے موقع پر دارالحکومت انقرہ میں منعقدہ تقریب میں بتایا کہ دیار باقر اور جنڈارمیری فورسسز کی طرف سے ایک اور پیغام موصول ہوا ہے۔
ہمارے بہادر فوجیوں نے PKK کی اپے موسی فورس کے نام سے منسوب تنظیم کے 2 دہشت گردوں کو ایک پناہ گاہ میں دو طرفہ جھڑپ کے دوران بے اثر کر دیا۔
وزارت کی طرف سے جاری کردہ بیان میں بتایا گیا ہے کہ ایرن بلاکڈ 15 آپریشن کے دائرہ کار میں لیجے ضلع کے دیہی علاقے میں مردہ حالت میں بر آمد کیے جانے والے دہشت گردوں میں سے ایک دہشت گردی کی مطلوبہ فہرست میں اورنج کیٹیگری میں شامل تھا۔
بیان میں اس بات پر زور دیا گیا کہ علاقے میں کارروائیاں جاری ہیں۔
وزارت قومی دفاع کی طرف سے جاری کردہ بیان میں کہا گیا ہے کہ شمالی عراق میں کامیابی سے جاری آپریشن کلاؤ لاک کے علاقے میں PKK کے 9 دہشت گردوں کو بے اثر کر دیا گیا ہے اور یہ کارروائیاں بھر پور طریقے سے جاری رہیں گی۔