اردن کی عقبہ بندرگاہ میں لوڈنگ کے دوران الٹنے والے ٹینکر کے دہماکے سے پھٹنے کے نتیجے میں زہریلی گیس کے اخراج سے 12 افراد جاں بحق اور 260 زخمی ہوگئے ہیں۔
اردنی نیشنل سیکیورٹی اینڈ کرائسز مینجمنٹ سینٹر کی جانب سے ایک تحریری بیان میں کہا گیا ہے کہ گیس کا اخراج اس وقت ہوا جب عقبہ بندرگاہ میں زہریلی گیس پر مشتمل ٹینک گر کر دہماکے سے پھٹ گیا۔
بیان میں کہا گیا ہے کہ حادثے میں اردنی اور غیر ملکیوں سمیت 12 افراد جاں بحق، 260 افراد زخمی ہوگئے ہیں جبکہ 123 افراد اسپتالوں میں زیر علاج ہیں۔
واضح رہے کہ بندرگاہ میں گیس کے اخراج کے بعد سول ڈیفنس یونٹ میں کام کرنے والے خطرناک سامان کے ماہرین نے جائے وقوعہ کا تمام پہلووں سے جائزہ لیا اور دھماکے کے بعد علاقے کو خالی کرا لیا گیا ہے۔
