آذربائیجان وزارتِ دفاع نے کہا ہے کہ قارا باغ میں غیر قانونی آرمینی مسلح فورسز کی بلا اشتعال فائرنگ کے نتیجے میں آذربائیجان کا ایک فوجی شہید ہو گیا ہے۔
وزارت دفاع کے جاری کردہ بیان کے مطابق روسی عناصر کی عارضی تعیناتی کے علاقوں میں موجود غیر قانونی آرمینی فورسز نے صبح کے وقت تحصیل لاچین میں آذربائیجان کے مورچوں پر بھاری فائرنگ کھول دی۔
آرمینی فورسز کی فائرنگ میں آنار کاظم اوف نامی آذری فوجی گولی لگنے سے شہید ہو گیا ہے۔
بیان میں شہید فوجی کے کنبے اور عزیز و اقارب کے ساتھ اظہارِ تعزیت کیا گیا اور آذربائیجان کی یونٹوں کی طرف سے جوابی کاروائی کی اطلاع دی گئی ہے۔