بنگلہ دیش میں ایک تہوار کے لیے مندر جانے والے افراد کے سوار ہونے والی کشتی کے دریائے کراتویا میں ڈوبنے سے ہلاکتوں کی تعداد 51 ہو گئی ہے۔
بتایا گیا ہے کہ حادثہ گنجائش سے زیادہ مسافر سوار ہونے کے باعث پیش آیا اور ڈوبنے والی کشتی میں 100 سے زائد مسافر سوار تھے۔
حکام نے ہلاکتوں کی تعداد 51 تک پہنچنے کی تصدیق کی اور بتایا کہ 25 افراد تاحال لاپتہ ہیں۔
پولیس حکام نے اطلاع دی تھی کہ گزشتہ روز دُرگا پوجا میلے کے ایک حصے کے طور پر بدھیشور مندر جانے والوں کو لے کر جانے والی کشتی پنچ گڑھ علاقے میں دریائے کراتویا میں ڈوب گئی ہے۔