سویڈن کا ایک وفد اگلے ہفتے نیٹو مذاکرات کے لیے ترکیہ تشریف لائے گا۔
سویڈن کی وزیر خارجہ این لِنڈے نے اپنے ملک کی سرکاری خبر رساں ایجنسی ٹی ٹی کو بتایا کہ ترکیہ کے ساتھ مذاکرات کا سلسلہ جاری ہے۔
این لنڈے نے کہا کہ سویڈن کو توقع ہے کہ ترکیہ نیٹو کی رکنیت کی منظوری دے دے گا۔
انہوں نے کہا کہ ترکیہ نیٹو کی رکنیت کی توثیق کب کرے گا۔ اس بارے میں کچھ نہیں کہا جاسکتا۔ انہوں نے کہا کہ انہوں نے گزشتہ ہفتے اپنے ترک ہم منصب میولود چاوش اولو سے نیویارک میں اقوام متحدہ کے اجلاس میں ملاقات کی تھی اور اس سلسلے میں مذاکرات کا جائزہ لیا، جس کے مطابق سب سب کچھ ٹھیک چل رہا ہے اور ہم معاہدے کو برقرار رکھنے پر اتفاق کرتے ہیں۔
انہوں نے کہا کہ سہہ فریقی میمورنڈم پر ترکیہ، فن لینڈ اور سویڈن نے 28 جون کو اسپین میں نیٹو میڈرڈ سربراہی اجلاس میں دستخط کیے تھے اورمیمورنڈم کے دائرہ کار میں مستقل مشترکہ میکانزم کا پہلا اجلاس 26 اگست کو فن لینڈ کے شہر ونتا میں منعقد ہوا تھا۔
کل، وزیر انصاف بیکر بوزداع نے سویڈن اور فن لینڈ سے مطالبہ کیا کہ وہ نیٹو معاہدے کے فریم ورک کے دائرہ کار میں فیتو دہشت گرد تنظیم (FETO) اور علیحدگی پسند دہشت گرد تنظیم PKK کے ارکان کو ترکیہ کے حوالے کرینے کا مطالبہ کیا تھا۔
بوزداع نے کہا کہ ہم توقع کرتے ہیں کہ (سویڈش حکام) دہشت گردوں، خاص طور پر PKK، FETO، DHKP-C کے اراکین کی کو ترکیہ کے حوالے کرنے کے احکامات جاری کردیں گے۔