ابتدائی اطلاعات کے مطابق یوکرین کے جنوب میں زا پوریا شہر کے قریب میزائل حملے میں 23 افراد ہلاک ہو گئے۔
علاقائی گورنر اولیکسنڈر ستارخ نے دعویٰ کیا کہ روسی افواج نے زاپوریا سے نکلنے والے شہری قافلے کو میزائلوں سے نشانہ بنایا۔
ستارخ نے کہا کہ پہلے تعین کے مطابق، حملے میں 23 شہری اپنی جانوں سے ہاتھ دھو بیٹھے۔
یوکرین کے داخلی امور کے وزیر کے مشیر اینٹون گیراشینکو نے اعلان کیا کہ اس حملے میں 23 جانوں کے ضیاع کے علاوہ 35 شہری زخمی ہوئے ہیں۔
یوکرین کے صدارتی دفتر کے نائب سربراہ کیرل تیموشینکو نے دعویٰ کیا کہ S-300 میزائل سسٹم والے قافلے پر 16 میزائل داغے گئے۔
دوسری جانب روس نے دعویٰ کیا ہے کہ گاڑیوں کے قافلے کو یوکرینی فورسز نے نشانہ بنایا۔
زاپوریا میں نام نہاد روس نواز انتظامیہ کی جانب سے دیے گئے بیان میں کہا گیا ہے کہ یوکرین کی فوج نے زاپوریا سے نکلنے والے شہریوں کے قافلے کو میزائلوں سے نشانہ بنایا۔
بیان میں درج کیا گیا ہے کہ حملہ میں 23 شہری ہلاک اور 34 شہری زخمی ہوئے، یہ حملہ اس وقت کیا گیا جب قافلہ روسی فوج کے زیر کنٹرول علاقے میں داخل ہونے کی تیاری کر رہا تھا۔