کولمبیا اور وینزویلا کے درمیان 3 سال بعد پہلی بار براہ راست کمرشل پرواز کا آغاز ۔
وینزویلا کی فضائی کمپنی ترپیل ایئرلائنز کا تجارتی طیارہ ‘T9 8820‘ دارالحکومت کراکس کے Maiquetia بین الاقوامی ہوائی اڈے سے پرواز کرتے ہوئے براہ راست کولمبیا کے دارالحکومت بوگوٹا میں لینڈ کیا ہے۔
دونوں دارالحکومتوں کے درمیان 90 منٹ کے سفر کی قیمت لگ بھگ 500 ڈالر ہوگی اور یہ باہمی پروازیں ہفتے میں دو بار ہوا کریں گی۔
کولمبیا میں 19 جون کو دوسرے راؤنڈ کے انتخابات میں کامیابی حاصل کرنے اور 7 اگست کو صدر منتخب ہونے والے بائیں بازو کے گستاو پیٹرو نے پہلے اقدام کے طور پر پڑوسی ملک وینزویلا کے ساتھ گزشتہ تین سال سے منقطع سفارتی تعلقات کو بحال کرنے کے لیے اس ملک کو اپنا سفیر نامزد کیا ہے۔
2 نومبر کو صدارتی محل میرافلورس میں نیکولس مادورو کی جانب سے نو منتخب صدر پیٹرو کا تقریب کے ساتھ خیرمقدم کیا گیا، وہ 6 سالوں میں صدارتی سطح پر وینزویلا کا دورہ کرنے والے پہلے کولمبیا کے رہنما بن گئے ہیں۔
وینزویلا اور کولمبیا کے درمیان تعلقات 2019 میں کولمبیا کی طرف سے مادورو کی حکومت کے خلاف امریکی حمایت یافتہ مخالفین کی حمایت سے کمزور ہو گئے تھَےاور مادورو نے اسی سال فروری میں کولمبیا کے ساتھ سفارتی تعلقات منقطع کرنے کا اعلان کردیا تھا ۔