ایران نے فضائی دفاعی نظام کی استعداد بڑھانے کی خاطر ایک نیا ہائیپر سونک میزائل تیار کیا ہے۔
ایرانی سرکاری خبر رساں ایجنسی ایرنا کے مطابق، پاسداران انقلاب ایران کی فضائیہ کے کمانڈر جنرل امیر علی حاجی زادہ نے تہران میں منعقدہ ایک تقریب میں بتایا کہ ہم نے ایک نیا بیلیسٹک میزائل تیار کیا ہے جو کہ ہائیپر سونک رفتار کا حامل ہے جس سے ہماری فوجی صلاحیتوں کو بڑھانے میں مدد ملے گی ۔
ایرانی کمانڈر نے اس بارے میں مزید تفصیلات فراہم نہیں کیں۔
بتایا گیا ہے کہ یہ میزائل آواز کی رفتار سے پانچ گنا زیادہ تیز ہے جس کی وجہ سے فضائی دفاعی نظام کا اسے روکنا تقریبا ناممکن ہوگا۔