ترکیہ کے صدر رجب طیب ایردوان انڈونیشیا کی زیرِ میزبانی ‘بالی’ میں متوقع 17 ویں جی20 سربراہی اجلاس میں شرکت کریں گے۔
صدارتی محکمہ اطلاعات کے جاری کردہ بیان کے مطابق سربراہی اجلاس 15 تا 16 نومبر کو اور”متحد بحالی، زیادہ طاقتور بحالی” کے مرکزی خیال کے ساتھ منعقد ہو رہا ہے۔
اس دائرہ کار میں جی20 سربراہان "غذائی و توانائی سلامتی”، ” صحت” اور ڈیجیٹلائزیشن” کے زیر عنوان متوقع نشستوں میں تبادلہ خیالات کریں گے۔
صدر رجب طیب ایردوان اجلاس کے دوران مختلف ممالک کے سربراہان سے ملاقات کریں گے۔ علاوہ ازیں اجلاس سے قبل 14 نومبر بروز اتوار، بالی میں میزبان ملک انڈونیشیا کے صدر ‘جوکو ویدودو’ کے ساتھ دو طرفہ ملاقات کریں گے۔
مذاکرات میں ترکیہ۔ انڈونیشیا تعلقات پر نظر ثانی اور باہمی تعاون کو مزید فروغ دینے کے لئے ممکنہ اقدامات پر بات چیت کی جائے گی۔