نیٹو کے سیکریٹری جنرل ژانز اسٹولٹن برگ نے سویڈن اور فن لینڈ سے کہا ہے کہ وہ ترکیہ کے ساتھ انسداد دہشت گردی کے معاملے میں تعاون کو بڑھائیں۔
سویڈش ٹی وی چینل ایس وی ٹی سے گفتگو کے دوران اسٹولٹن برگ نےسویڈن اور فن لینڈ سے مطالبہ کیا ہے کہ وہ انسداد دہشتگردی کے معاملے میں ترکیہ سمیت دیگر نیٹو ممالک سے تعاون کریں،ان دونوں ملکوں کو دہشتگرد تنظیموں کے خلاف اپنے قوانین مزید سخت کرنے کی ضرورت ہے۔
اسٹولٹن برگ نے مزید کہا کہ نیٹو کا رکن ملک ترکیہ دہشتگردی سے سب سے زیادہ متاثر رہا ہے جس کے خدشات ہمیں سمجھنا ہونگے، جہاں تک شمالی شام و عراق میں ترکیہ کے شروع کر دہ پنجہ۔شمشیر فضائی آپریشن کا سوال ہے تو اس سلسلے میں اتنا کہوں گا کہ نیٹو میں دہشتگرد تنظیموں کے حوالے سے مختلف آرا پائی جاتی ہیں لیکن ترکیہ اس معاملے میں اپنی سلامتی کو یقینی بنانے کے لیے حق بجانب ہے۔
