انقرہ میں سویڈن کے سفیر اسٹافن ہیرسٹروم کو وزارت خارجہ میں طلب کیا گیا اور سٹاک ہوم میں ترک سفارت خانے کی چانسلری پر صدر رجب طیب ایردوان کے خلاف علیحدگی پسند دہشت گرد تنظیم کے پروپیگنڈے اور توہین آمیز تصاویر پھیلانے کی مذمت کی گئی۔
سفارتی ذرائع سے حاصل کردہ معلومات کے مطابق علیحدگی پسند دہشت گرد تنظیم کے پروپیگنڈے اور صدر ایردوان کی توہین آمیز تصاویر پر مشتمل بیانات اور تصاویر PKK سے وابستہ عناصر کی جانب سے اسٹاک ہوم میں ترک سفارت خانے کی چانسلری کی عمارت پر لگائی گئی تھیں۔
واقعے کے بعد ہیرسٹروم کو وزارت خارجہ میں طلب کیا گیا، جہاں ترکیہ نے اس کارروائی کی مذمت کرتے ہوئے واقعے کی تحقیقات کا مطالبہ کیا۔
ہرسٹروم کو اس کارروائی کے مرتکب افراد کی نشاندہی کی جانے اور ضروری اقدامات کیے جانے کی ضرورت پر زور دیا گیا ہے اور کہا گیا ہے کہ ترکیہ، سویڈن اور فن لینڈ کے درمیان نیٹو سربراہی اجلاس کے دوران 30 جون کو سپین میں منعقدہ سہ فریقی میمورنڈم میں درج وعدوں کی روشنی میں ٹھوس اقدامات کیے جانے چاہیں۔