وزیر قومی دفاع حلوصی آقار نے کہا ہے کہ آپریشن پنجہ کلید فضائی اور زمینی فائر سپورٹ کے ذریعے جاری ہے۔ اب تک 326 دہشت گردوں کو غیر فعال کیا جا چکا ہے۔
حلوصی آقار نے ان خیالات کا اظہار دارالحکومت انقرہ میں صحافیوں کے سوالات کے جوابات دیتے ہوئے کیا۔
انہوں نے پنجہ کلید فوجی آپریشن کی تازہ ترین صورتحال سے متعلق سوالات کا جواب دیتے ہوئے کہا کہ ہم نے اپنے ملک، اپنی قوم اور اپنی سرحدوں کی سلامتی کو یقینی بنانے کے لیے دہشت گردی کے خاتمے کے لیے جو کچھ بھی کرنا ہے، کیا ہے اور کرتے رہیں گے۔
آقار نے کہا کہ آپریشن پنجہ کلید ، جو گزشتہ دور کے سب سے بڑے، سب سے زیادہ جامع اور موثر فضائی آپریشن کے ساتھ شروع ہوا تھا، کامیابی سے جاری ہے۔
انہوں نے کہا کہ آپریشن ہوائی اور زمینی فائر سپورٹ کے ساتھ جاری ہے۔ انہوں نے کہا کہ آپریشن میں اب تک 326 دہشت گردوں کو غیر فعال کر دیا گیا ہے۔
انہوں نے ترک مسلح افواج کی جانب سے شمالی شام میں "امریکہ کے مشاہداتی مقام کو نشانہ بنانے سے متعلق سوال کا جواب دیتے ہوئے کہا کہ ہمارے لیے اتحادی افواج یا عام شہریوں کو نقصان پہنچانا ممکن نہیں ۔ ہمارا صرف ایک ہی ہدف ہے اور وہ ہے دہشت گرد، ہمارا ہدف وہ ہے جہاں دہشت گرد ہو، یہ ہمارا سب سے اہم اصول ہے کہ شہریوں اور ماحول کو کسی قسم کا کوئی نقصان نہ پہنچے ۔
حلوصی آقار نے ایک صحافی کے سوال کہ شام میں رہنماؤں کی سطح پر ملاقات کب ہوگی؟ کا جواب دیتے ہوئے کہا کہ بہت سی پیشرفتیں ہیں، چھوٹی اور بڑی اور ان سب کا جائزہ لیا جا رہا ہے۔
انہوں نے کہا کہ ترکی صدر رجب طیب ایردوان کی قیادت میں بین الاقوامی ایجنڈے میں بڑا اہم مقام رکھتا ہے۔
انہوں نے کہا کہ "ہم ہر جگہ شخصیت اور شناخت کے ساتھ پالیسیوں کے ساتھ اپنے ملک اور اپنی قوم کے حقوق اور قوانین کا دفاع کرتے ہیں۔ اس کے علاوہ، ہم قبرص، آذربائیجان اور لیبیا جیسے دوست اور برادر ممالک کے منصفانہ معاملات میں ان کے ساتھ کھڑے ہیں۔