8ویں عالمی حلال سمٹ میں شریک بین الاقوامی کمپنیوں نے پیش گوئی کی ہے کہ آنے والے سالوں میں حلال مصدقہ مصنوعات میں دلچسپی کافی حد تک بڑھے گی اور حلال مصنوعات اور خدمات کی مارکیٹ بتدریج ترقی کرے گی۔
8ویں عالمی حلال سربراہی کانفرنس اور اسلامی تعاون تنظیم (OIC) کے 9ویں حلال ایکسپو میلے کا افتتاح 24 نومبر کو استنبول ایکسپو سینٹر میں ہوا۔
حلال ایکسپو میلے میں دنیا بھر سے حلال مصنوعات کی مارکیٹ میں گہری دلچسپی کا مشاہدہ ہوا ہے۔
اس میلے میں جہاں ایشیا، یورپ اور افریقہ کی درجنوں فرموں نے شرکت کی وہیں یہ بات سامنے آئی کہ غیر مسلمین نے بھی حلال مصنوعات میں دلچسپی ظاہر کی جس کی وجہ ان کے وضع کردہ پروسیسنگ اور حفظان صحت کے معیار ہیں۔
40 ممالک کی تقریباً 500 کمپنیوں کے شریک ہونے والے والے اور 3 دن تک جاری رہنے والے حلال ایکسپو میلے میں 40 ہزار مقامی اور غیر ملکی زائرین کی آمد متوقع ہے،توقع ہے کہ رواں سال 1 بلین یورو کا کاروباری حجم حاصل کیا جائے گا۔
اس کے علاوہ عالمی حلال سمٹ کی چھت تلے انٹرنیشنل شیفس چیمپئن شپ کا انعقاد کیا جائے گا جس میں تقریباً 40 ممالک کے بین الاقوامی شیفس شرکت کریں گے۔