پاکستان نے ساؤتھ ایشین کراٹے چیمپئن شپ میں 3 گولڈ میڈل جیت لیے

ساؤتھ ایشین کراٹے چیمپئن شپ میں پاکستان نے تین گولڈ میڈل جیت لیے جبکہ ویمن ایتھلیٹ آرزو نے سلور میڈل اپنے نام کیا۔

کولمبو میں جاری چیمپئن شپ میں پاکستان کے ارشاد علی نے ایک اور گولڈ میڈل جیت لیا۔

ارشاد علی نے پہلے انڈر 21 کیٹیگری میں اور پھر سینئر کیٹیگری کے انفرادی کاتا میں گولڈ میڈل جیتا۔

پاکستان ٹیم نے بھارتی ٹیم کو کاتا ایونٹ میں شکست دی اور سونے کا تمغہ جیتا۔

پاکستان کی آرزو نے جونیئر ویمن کیٹیگری میں انفرادی کاتا میں سلور میڈل اپنے نام کر لیا۔

منبع: جنگ نیوز