لاہور: بیٹی کی پسند کی شادی پر شوہر نے بیوی کو قتل کردیا۔
لیاقت آباد پولیس نے چھری کے وار سے بیوی کو قتل کرنے والا سفاک ملزم چند گھنٹوں میں گرفتار کرلیا۔ پولیس کے مطابق 17 سالہ بیٹی سحر نے چند روز قبل پسند کی شادی کی جس پر والدین میں جھگڑا ہوا۔
پولیس کے مطابق ملزم یاسر نے طیش میں آکر سالی کے گھر لیاقت آباد جا کر بیوی کو چھری کے وار سے قتل کر دیا۔ ایس ایچ او لیاقت آباد کے مطابق متاثرہ خاتون آمنہ اسپتال پہنچنے سے قبل ہی راستے میں دم توڑ گئیں۔
پولیس نے ملزم کیخلاف مقدمہ درج کرکے ملزم کو انویسٹیگیشن ونگ کے حوالےکردیا۔