روسی صدر ولادیمیر پوتن نے روسی فوج میں فوجیوں کی تعداد میں تقریباً ایک لاکھ 70 ہزار افراد کا اضافہ کیا جس سے فوجی اہلکاروں کی کل تعداد 22 لاکھ9 ہزار سے تجاوز کر گئی۔
کریملن کی ویب سائٹ پر شائع ہونے والے پوتن کے دستخط شدہ حکم نامے کے مطابق روسی مسلح افواج کے اہلکاروں کی تعداد 22 لاکھ 9ہزار 130 افراد مقرر کی گئی ہے جن میں 13 لاکھ 20 ہزار فوجی شامل ہیں۔
اس قرار داد پر عمل درآمد شروع ہو گیا ہے۔
ایک بیان میں روسی صدر پیوٹن نے کہا کہ روس کو خصوصی فوجی آپریشن اور نیٹو کی مسلسل توسیع سے خطرات لاحق ہیں ، اس وجہ سے روسی فوج کی طاقت میں اضافہ کیا جارہا ہے۔
غیر ملکی میڈیا کے مطابق روس کے حاضر سروس فوجیوں کی تعداد میں تقریباً ایک لاکھ 70 ہزار افراد کا اضافہ ہو گا۔