نیویارک: امریکی صدر ٹرمپ کو ایران جنگ نے حواس باختہ اور باﺅلا کردیا ہے،ٹرمپ نے شرمناک حرکت کرتے ہوئے خود کو عیسیٰ مسیح کے روپ میں پیش کردیا۔
امریکی صدر ڈونلڈ ٹرمپ نے گزشتہ روز ایران میں امریکا اسرائیل جنگ کے خلاف پوپ لیو کے تبصروں پر انہیں تنقید کا نشانہ بنایا، مزید برآں، اے آئی سے تیار کردہ ایک تصویر شیئر کر کے خود کو یسوع مسیح کے طور پر پیش کیا۔
سوشل میڈیا پلیٹ فارم ٹروتھ سوشل پر پوسٹ کی گئی اس تصویر میں ٹرمپ نے اے آئی کی مدد سے خود کو عیسیٰ مسیح کے روایتی لباس اور انداز میں پیش کر کے بیماروں کو ٹھیک کرتے ہوئے دکھایا۔
اس میں امریکی صدر ایک چمکتی ہوئی روشنی کے ساتھ بائبل میں ذکر کیے گئے لباس میں ملبوس، مسیح جیسا پوز دے رہے ہیں۔ اپنی ہتھیلی کو ایک بیمار آدمی کی پیشانی پر رکھتے ہوئے دکھائی دے رہے ہیں۔
تصویر میں امریکی جھنڈا، اسٹیچو آف لبرٹی اور پس منظر میں جنگی جہاز کو دکھایا گیا ہے۔
یہ تصویر ٹرمپ کے اس پوسٹ کے چند منٹ بعد شیئر کی گئی جس میں انہوں نے پوپ لیو کو جرائم کے معاملے پر ‘کمزور’ اور خارجہ پالیسی کے لیے ‘خوفناک’ قرار دیا۔
امریکی صدر نے مزید لکھا کہ امریکہ میں پیدا ہونے والے پہلے پوپ کو “بنیاد پرست بائیں بازو کو کھانا بند کر دینا چاہیے”۔
ٹروتھ سوشل پر اپنی پوسٹ میں ٹرمپ نے کہا کہ وہ “ایسا پوپ نہیں چاہتے جو ریاستہائے متحدہ کے صدر پر تنقید کرے۔ میں بالکل وہی کر رہا ہوں جس کے لیے مجھے منتخب کیا گیا تھا”۔
انہوں نے مزید کہا کہ “میں ایسا پوپ نہیں چاہتا جو یہ سمجھتا ہو کہ ایران کے پاس جوہری ہتھیار ہونا ٹھیک ہے۔”
ٹرمپ کی یہ تنقید پہلے امریکی پوپ کے اس بیان کے ایک دن بعد سامنے آئی ہے جنہوں نے انہوں نے ٹرمپ کا نام لیے بغیر خود پرستی،
دولت پرستی، طاقت کی نمائش اور جنگ کی مخالفت کرتے ہوئے کہا کہ ‘ہر چیز پر قادر ہونے کا وہم جنگ کو خوراک فراہم کر رہا ہے۔”
