معروف مذہبی اسکالر ڈاکٹر ذاکر نائیک نے مسلم لیگ ن کے قائد نواز شریف سے ملاقات کی ہے۔
پارٹی ذرائع کے مطابق معروف مذہبی اسکالر ڈاکٹر ذاکر نائیک نے مسلم لیگ ن کے صدر و سابق وزیراعظم میاں محمد نواز شریف اور وزیراعلیٰ پنجاب مریم نواز سے ملاقات کی اور مختلف موضوعات پر تبادلہ خیال کیا۔
ڈاکٹر ذاکر نائیک نے جاتی امراء میں مسلم لیگ ن کے قائد نواز شریف اور وزیراعلیٰ پنجاب مریم نواز سے ملاقات کی ہے۔
بعد ازاں ملاقات کے بعد ڈاکٹر ذاکر نائیک جاتی امرا رائیونڈ سے واپس روانہ ہو گئے۔
واضح رہے کہ گزشتہ برس اکتوبر میں بھی مسلم لیگ ن کے قائد نواز شریف سے معروف مذہبی اسکالر ڈاکٹر ذاکر نائیک نے ملاقات کی تھی، اُس مرتبہ ڈاکٹر ذاکر نائیک حکومتِ پاکستان کی دعوت پر پاکستان کے دورے پر تھے۔